Íslensk erfðagreining er fyrirtæki sem notar niðurstöður erfðarannsókna til að þróa vörur og þjónustu sem hafa það að markmiði að efla lýðheilsu.

Íslensk erfðagreining hefur algjöra sérstöðu í rannsóknum í mannerfðafræði í heiminum. Rannsóknir fyrirtækisins byggja á erfða- og læknisfræðilegum upplýsingum um 500.000 aðila frá öllum heimshornum sem tekið hafa þátt í rannsóknum á vegum fyrirtækisins. Þar af eru um 140.000 Íslendingar sem lagt hafa fyrirtækinu lið undanfarin ár.

Greiningarpróf sem fyrirtækið hefur á markaði gefa einstaklingum kost á að kanna erfðafræðilega áhættu sína fyrir tugum sjúkdóma og veita þannig möguleika á markvissum forvörnum og meðferðarúrræðum. Íslensk erfðagreining selur m.a. deCODEme, erfðagreiningarpróf fyrir einstaklinga sem veitir upplýsingar um erfðafræðilega áhættu fyrir tugum sjúkdóma auk upplýsinga um erfðafræðilegan uppruna og deCODE Diagnostics, sérhæfð greiningarpróf fyrir lækna. Þá heldur fyrirtækið úti öflugri vísindaþjónustu, deCODE Services.

Frekari upplýsingar um fyrirtækið má nálgast á ensku á www.decode.com.

Aðrir vefir