Íslensk erfðagreining streymdi fræðslufundi um nýjustu rannsóknir sínar á Covid-19, mánudaginn 19. apríl, klukkan 14:00.
Hilma Hólm hjartalæknir og Erna Ívarsdóttir tölfræðingur kynntu helstu niðurstöður nýrrar rannsóknar sinnar á langtimaáhrifum SARS-CoV-2 sýkingar.
Daníel Fannar Guðbjartsson stærðfræðingur og Þórunn Á. Ólafsdóttir ónæmisfræðingur kynntu rannsókn sína á því hvernig líkaminn losar sig sig veiruna og verst endurteknum sýkingum.
Sérhvert SARS-CoV-2 tilfelli á Íslandi er raðgreint af Íslenskri erfðagreiningu í rauntíma og eru þau gögn notuð til að aðstoða við rakningu smita.
Vísindamennirnir Páll Melsted, Kristján Eldjárn Hjörleifsson og Sölvi Rögnvaldsson fjölluðu í sínum fyrirlestri um hvernig raðgreiningar á veirunni nýtast í baráttunni við COVID-19 og kynna til sögunnar nýtt líkan af þriðju bylgju faraldursins. Sú bylgja samanstóð nær eingöngu af smitum sem rekja má til eins einstaklings sem slapp í gegnum eftirlit á landamærunum. Með því að styðjast við líkanið má reikna út smitstuðul einstakra hópa og aldursflokka og bera saman smitstuðul innan og utan sóttkvíar.
![](https://www.decode.is/wp-content/uploads/2021/04/solvi.pall_.kristjan-1280x853.jpeg)
Kári Stefánsson stýrði fundi og dró saman hvaða lærdóm er hægt að draga af þessum rannsóknum í viðureigninni við fjórðu bylgjuna á Íslandi.
![](https://www.decode.is/wp-content/uploads/2021/04/katrin-bjarni-1280x853.jpeg)
Sérstakir gestir á fundinum voru meðal annars Katrín Jakobsdóttir forsætisráðherra, Svandís Svavarsdóttir heilbrigðisráðherra, Bjarni Benediktsson fjármálaráðherra, Sigurður Ingi Jóhannsson samgöngu- og sveitastjórnarráðherra og Þórólfur Guðnason heilbrigðisráðherra.